Բաղադրատոմս` 50-ն անց մարդկանց համար. 168.am

Budetezdorovy.ru-ն առաջարկում է բաղադրատոմս, որը կարելի է օգտագործել դիաբետի դեպքում. այն կօգնի ազատվել խոլեսթերինից, կանխարգելել մի շարք խնդիրների առաջացումը։ Այն արագ հագեցածության զգացում կհաղորդի, կարագացնի նյութափոխանակությունը, ինչի արդյունքում կարող եք ազատվել մի քանի ավելորդ կիլոգրամից։

Հիմնական բաղադրիչը խնձորն է, որը հարուստ է պեկտինով, ֆլավոնոիդներով, նյութերով, որոնք լավացնում են նյութափոխանակությունը, կարգավորում արյան մեջ խոլեսթերինի մակարդակը։ British Medical Journal-ում հրապարակված հետազոտության հեղինակները պնդում են, որ օրվա ընթացքում 1 խնձորի օգտագործումն արդյունավետ միջոց է սիրտ-անոթային հիվանդությունների կանխարգելման համար. այն հատկապես անհրաժեշտ է 50 տարեկանն անց մարդկանց։

Ուտեստը պատրաստելու համար նաև դարչին է օգտագործվում, որը նվազեցնում է քաղցր ուտելու ցանկությունը, լավացնում շաքարի յուրացումը, իջեցնում արյան մեջ գլյուկոզայի մակարդակը։

Բաղադրիչներ.

• 3 խնձոր,
• դարչին՝ ըստ ցանկության։

Պատրաստման եղանակը. գազօջախը 10 րոպե տաքացրեք 180°C պայմաններում։ Խնձորը կտրատեք, դրեք թխելու համար նախատեսված թղթի վրա։ Ըստ ցանկության դարչին լցրեք դրանց վրա։ Գազօջախում թողեք 1 ժամ։ Ընթացքում կարող եք շրջել խնձորը։ Հարկավոր է գազօջախում թողնել այնքան, մինչև խնձորը չորանա։

Հարցեր, պատասխաններ, մեկնաբանություններ